Hospitali ya rufaa Mbeya inakabiliwa na upungufu mkubwa wa madaktari bingwa.

Hospitali ya rufaa Mbeya ambayo ipo kwenye mchakato wa kubadilisha jina na kuitwa hospitali ya kanda ya nyanda za juu kusini, inakabiliwa na upungufu mkubwa wa madaktari bingwa hali ambayo inasababisha utoaji wa huduma katika baadhi ya maeneo kufanyika kwa kiwango kisichoridhisha.

Kaimu mkurugenzi wa hospitali ya kanda ya nyanda za juu kusini, Dk Thomas Isdory Matiko amesema kuwa idadi ya madaktari bingwa waliopo kwa sasa hosptalini hapo ni asilimia 40 tu ya mahitaji ya hospitali hiyo.

 

Aidha Dk. Matiko ameyataja baadhi ya maeneo yenye upungufu mkubwa wa madaktari bingwa kuwa kitengo cha mifupa ambacho kwa sasa kina daktari bingwa mmoja tu licha ya kwamba kutokana na ajali za mara kwa mara kitengo hicho kwa sasa kina wagonjwa wengi.

 

Kwa upande wake katibu wa hospitali hiyo, Myriam Msalale amesema uongozi umechukua hatua kadhaa kukabiliana na tatizo hilo la uhaba wa madaktari bingwa na kwamba hadi sasa kuna mazungumzo yanayofanyika kwa ajili ya kupata madaktari kutoka nchini Misri kuja kusaidia kutoa huduma za matibabu kwa gharama za hospitali hiyo