Barbara Kambogi wa MultiChoice Tanzania awa mkuu mpya wa Channel ya Maisha Magic Bongo!

Aliyekuwa Meneja Uhusiano wa MultiChoice Tanzania, Barbara Kambogi ambaye sasa ni Mkuu wa Chaneli ya Maisha Magic Bongo, akiwa katika moja ya shughuli za Dstv hapa nchini 

Aliyekuwa Meneja Uhusiao wa MultiChoice Tanzania, Barbara Kambogi amepata  nafasi ya juu katika kampuni ya MultiChoice na kuwa Mkuu mpya wa Channeli ya Maisha Magic Bongo.

Katika taarifa yake kwa waandishi wa habari iliyotumwa leo, Barbara Kambogi amewashukuru na kuwapongeza wanahabari wote nchini kwa kushirikiana naye kwa kipindi chote cha kazi zake hapa nchini huku akihidi kuendelea kudumisha mahusiano hayo zaidi hata katika nafasi yake hiyo mpya.
“Nashukuru kwa dhati kwa support yenu niliyoipata toka mwanzo hadi sasa. Hii sio kwaheri, bali kwaheri ya kuonana kwasababu cheo hiki bado kinaniwezesha kuwasiliana nanyi, kwa hiyo mara kwa mara mtasikia kutoka kwangu. MultiChoice Tanzania ipo kwenye mchakato wa kupata PR mwengine lakini kwa sasa Meneja Masoko wa DStv, Furaha Samalu  atashika nafasi yangu hadi atakapopatikana mwengine” alieleza Barbara Kambogi katika taarifa yake hiyo.
Maisha Magic Bongo yenye makao yake makuu Nairobi, Kenya imekuwa ni miongoni mwa channel zenye mafanikio makubwa kwa kukuza lugha ya kiswahili ikiwemo kurusha filamu za Kitanzania ikiwemo Bongo Movie, Muziki wa Kitanzania na filamu na vipindi vingine vikiwemo vile vilivyotafsiria kiswahili.

 Maisha Magic Bongo inakuwa miongoni mwa channel ya burudani barani Afrika inayoandaliwa na  M-Net   huku ikiruka hewani kupitia  chaneli 160 ya DStv kila siku kupitia vifurushi vyote vya Access, Family, Compact, Compact Plus, Premium na Dstv Bomba.

Mataifa jirani ya Afrika Mashariki ikiwamo Kenya, Uganda, Ethiopia, DRC  na mengineo yakiwemo Nigeria na kwingine wanapata huono huo wa channel hiyo bora kwa sasa ya kiswahili.

Aliyekuwa Meneja Uhusiano wa MultiChoice Tanzania, Barbara Kambogi (kulia) akifurahi jambo Wanahabari Sidi Mgumia (katikati) na Mama Mhina katika moja ya matukio ya DStv nchini Tanznia. (Picha ya Maktaba yetu).

Mkurugenzi M-Net  Kanda ya Afrika Magharibi, Wangi Mba-Uzoukwu (katikati) akiwa kwenye picha ya pamoja na Movie Stars wa nchini Nigeria, Rita Dominic na Desmond Elliot mara baada ya mkutano na waandishi wa habari hivi karibuni