Wakimbizi Kutoka Burundi Waendelea Kuwasili katika Kambi ya Nyarugusu Ilioko Wilaya ya Kasulu Mkoani Kigoma.

Mkimbizi kutoka  Burundi,  Philipo Nyandungulu,  akishuka kutoka kwenye basi baada ya kuwasili katika Kambi ya Wakimbizi ya Nyarugusu iliyoko Kasulu Mkoani Kigoma.Idadi ya Wakimbizi kutoka Burundi imekuwa ikiongezeka siku hadi siku naWizara ya Mambo ya Ndani ya Nchi kwa kushirikiana na Shirika la Umoja wa Mataifa la kuhudumiaWakimbizi (UNHRC) imekuwa ikiwahifadhi kwa muda katika kambi hiyo

Baadhi ya Wakimbizi kutoka Nchini Burundi,wanaohifadhiwa katika Kambi ya Wakimbizi ya Nyarugusu iliyoko Wilayani Kasulu Mkoani Kigoma, wakiwapokea Wakimbizi wenzao (hawapo pichani) waliowasili jana kwa basi kwa ajili ya kuhifadhiwa katika kambi hiyo.

Mkimbizi kutoka Burundi, Philipo Nyandugulu (kushoto)   na Mkewe Vanisi Nyandugulu, wakisubiri taratibu za kupangiwa sehemu ya kuishi baada ya kuwasili katika kambi ya Wakimbizi ya Nyarugusu iliyoko Wilayani Kasulu Mkoani Kigoma, baada ya kuwasili katika kambi hiyo jana.

Mkimbizi kutoka Burundi, Vanisi Nyandugulu akipanga vifaa vyake baada ya kuwasili katika kambi ya wakimbizi ya Nyarugusu iliyoko Wilayani Kasulu Mkoani Kigoma jana.Wakimbizi kutoka Burundi wanaendelea kuwasilin Nhini ambapo wanahifadhiwa katika kambi ya Wakimizi ya Nyarugusu.

Koplo Flora Peter wa Kituo cha Polisi katika kambi ya Wakimbizi ya Nyarugusu akiwa ameshikilia Visu, Panga na Fimbo vilivyokutwa katika baadhi ya mizigo ya Wakimbizi kutoka Burundi wanaowasili katika kambi ya Wakimbizi ya Nyarugusu iliyoko Wilayani Kasulu Mkoani Kigoma.  Vifaa vya hatari kama vile visu, panga, fimbo na mishale haviruhusiwi kumilikiwa na Wakimbizi wapya wanaowasili Kambini hapo,kwa sababu za kiusalama.

Mkimbizi kutoka Burundi, Nibaruja Europernce , akihamasisha wenzake wanaowasili katika kambi ya Wakimbizi ya Nyarugusu iliyoko Wilayani Kasulu Mkoani Kigoma kuhusu taratibu za kuishi kambini hapo ikiwa ni pamoja na kutekeleza masuala muhimu ya kiafya, jana.

Mfanyakazi wa Shirika la Maji na Usafi wa Mazingira (TWESA) linalofanya shughuli zake katika kambi ya wakimbizi ya Nyarugusu iliyoko Wilayani Kasulu Mkoani Kigoma, Andrea Niyitanga ,Akimnawisha mikono kwa kutumia maji yaliyowekwa dawa, Mkimbizi kutoka Burundi ikiwa ni mojawapo ya mkakati wakutoa Elimu ya Afya.

Watoto wa moja ya familia ya wakimbizi kutoka Burundi wakielekezwa kuingia katika makazi yao mara baada ya kuwasili katika kambi ya wakimbizi ya Nyarugusu iliyoko katika Wilaya ya Kasulu Mkoani Kigoma. Anayeelekeza ni Mfanyakazi wa Shirika la Maji na Usafi wa Mazingira (TWESA) linalofanya shughuli zake katika kambi hiyo.

Wakimbizi kutoka Burundi wakipata maelezo ya jinsi ya kuishi katika kambi ya wakimbizi ya Nyarugusu iliyopo Wilayani Kasulu Mkoani Kigoma mara baada ya kuwasili kambini hapo.  Anayetoa maelekezo hayo ni Nayiga Mireye wa Shirika la Maji na Usafi wa Mazingira (TWESA) linalofanya shughuli zake kambini hapo.

(Picha zote na Kitengo cha Mawasiliano ya Serikali Wizara ya Mambo ya Ndani ya Nchi.)