Van Gaal azungumzia nafasi ya Man United kushinda UEFA Champion League

Louis Van Gaal.

Baada ya kutoa sare na timu ya West Ham United, Kocha wa Manchester United, Mdachi Louis Van Gaal amezungumzia nafasi ya timu yake kama inauwezo wa kutwaa ubingwa wa klabu bingwa barani Ulaya (UEFA Champion League).

Majibu ya kocha huyo yalitegemewa na watu wengi kutokana na mwenendo ulivyo kwa sasa kwa klabu hiyo kongwe ya nchini Wingereza ambayo imekuwa inapata matokeo ambayo hayawaridhishi mashabiki wa timu hiyo, Van Gaal amesema kikosi chake bado hakijawa na uwezo wa kutwaa ubingwa huo kwa kulinganisha na timu zingine zinazoshiriki mashindano hayo.

“Sidhani kama tunaweza kushinda Klabu Bingwa kwa sasa labda kwa mwaka ujao kama tukijiimarisha katika kikosi chetu,

” Tunaweza kuifunga kila timu tunayokutana nayo kwa sasa lakini bado hatuna uwezo wa kushinda Uefa, lakini tutajaribu kufanya kila kitu tuone itakuwaje,” alisema Van Gaal.

Aidha Van Gaal amezungumzia mchezo wao wa jumanne wa Ligi ya Mabingwa dhidi ya Wolfsburgya Ujerumani ambao ni mchezo muhimu kwao kupata matokeo mazuri ili kujiweka katika nafasi nzuri ya kufuzu kwa hatua ya 16 bora.

“Tunaweza kushinda jumanne, tunatengeneza nafasi kila mchezo na tutatengeneza zaidi katika mchezo wa jumanne na tunahitaji kupambana ili kushinda mchezo huo, tumecheza leo jumamosi, tunapumzika jumapili na jumatatu tunasafiri ni ngumu kujiandaa zaidi lakini tutakabiliana na wapinzani,” alisema Van Gaal.