Afungwa Kifungo cha Maisha Jela Kwa Kusafirisha Kilo 21 za Mirungi


Mahakama Kuu Kanda ya Moshi, imemfunga jela maisha mfanyabiashara, Silay Maulid Jumanne (35) baada ya kupatikana na hatia ya kusafirisha kilo 21 za majani ya mirungi.

Hukumu hiyo iliyotolewa jana na Jaji Mfawidhi wa mahakama hiyo, Aishiel Sumari, ni ya kihistoria katika vita dhidi ya dawa za kulevya nchini kwani haijawahi kutolewa tangu Tanzania ipate Uhuru.
Wengi wa wanaokamatwa na mirungi, hushtakiwa kwa kupatikana na mirungi, shtaka ambalo husikilizwa na mahakama za chini tofauti na kusafirisha ambalo husikilizwa na Mahakama Kuu.

Kutokana na mazoea hayo, washtakiwa wengi wanaopatikana na hatia kwa kosa la kupatikana na mirungi, huishia kupigwa faini hatua inayoelezwa kuchangia kushamiri kwa matumizi ya mirungi.

Hata hivyo, mshtakiwa huyo jana hakuamini masikio yake pale Jaji Sumari alipomweleza kuwa adhabu ya kusafirisha mirungi kama ilivyo dawa nyingine za kulevya ni kifungo cha maisha jela.

Akitoa adhabu hiyo, Jaji Sumari alisema upande wa mashtaka ukiongozwa na Wakili Mwandamizi wa Serikali, Tamari Mndeme umejenga kesi hiyo na kuishawishi Mahakama pasi na kuacha shaka.

Upande wa mashtaka ukiongozwa na Wakili Mndeme akisaidiwa na mwenzake Kassim Nassir, ulidai kuwa Septemba 7, 2013, mshtakiwa alikamatwa na vifurushi 21 vya Mirungi.

Kwa mujibu wa mashtaka hayo, mshtakiwa alikamatwa kituo kikuu cha mabasi mjini Moshi, akiwa kwenye harakati za kusafirisha mirungi hiyo kwenda kuiuza jijini Arusha.

Jaji Sumari alisema ushahidi wa mashahidi watano wa upande wa mashitaka, umethibitisha kuwa mshtakiwa alikamatwa na begi la rangi ya kijani likiwa na mirungi hiyo.

Alisema licha ya mshtakiwa aliyekuwa akitetewa na Wakili Martin Kilasara, kujitetea kuwa hakukamatwa stendi kuu bali eneo la Majengo mjini Moshi, ushahidi umethibitisha alikamatwa stendi kuu.

“Baada ya kusikiliza ushahidi, mashahidi wamethibitisha ulikamatwa Stendi Kuu Moshi, ushahidi huo uliungwa mkono na kondakta wa basi na dereva teksi aliyekuchukua,” alisema.

Jaji Sumari alisema polisi hawakuwa na sababu yoyote ya msingi ya kumbambikia shtaka mshtakiwa huyo, kama alivyojaribu kujitetea na kusisitiza kuwa ushahidi ulikuwa madhubuti dhidi yake.

“Kulikuwa na tofauti ndogondogo kama begi lilibebwa na nani kutoka stendi, au kutoka kwenye basi kwenda kwenye teksi lakini zilikuwa ni tofauti ndogo hazikuharibu mizizi mikuu ya ushahidi,” alisema.

Kwa mujibu wa Jaji Sumari, ukiacha ushahidi huo, ungamo la mshtakiwa linaongeza nguvu na kushabihiana na ushahidi uliotolewa na mashahidi.

Jaji Sumari alisema mirungi ni dawa za kulevya zenye madhara, ushahidi wa Mkemia Mkuu wa Serikali, ulibainisha matumizi yake humfanya mtumiaji kuwa mtegemezi wa dawa hizo.

“Matumizi ya dawa za kulevya yanaathiri jamii ulim wengu mzima hasa vijana, hivyo sheria hii ilitungwa ikizingatia uhai wa binadamu ndiyo maana imeweka adhabu kali,” alisema.

Jaji Sumari alimweleza mshtakiwa huyo ambaye muda wote alikuwa akijifuta jasho na kunywa maji, kuwa mtu yeyote anayepatikana akisafirisha mirungi na dawa nyingine ni kufungwa jela maisha.

Hukumu hiyo ilionekana kuwa gumzo katika viunga vya mahakama hiyo jana, huku wanasheria wakisema inapeleka ujumbe kwa jamii kutodharau kosa linalohusiana na mirungi.

Mwenyekiti wa Chama cha Wanasheria Tanganyika (TLS) Tawi la Moshi, David Shilatu alisema hukumu hiyo ni ya kwanza kutolewa na ya aina yake Tanzania.

“Kwa sheria zetu hizi na marekebisho yake, mirungi nayo inaangukia daraja la dawa za kulevya, kwa hiyo upande wa mashtaka ukithibitisha ulikuwa unasafirisha adhabu ni kubwa,” alisema Wakili Shilatu.


Shilatu alisema ingawa mshtakiwa anayo haki ya kukata rufaa, lakini hukumu hiyo itoshe kupeleka ujumbe kwa jamii kwamba matumizi ya mirungi na usafirishaji wake ni kosa la jinai nchini. 
Previous
Next Post »
My photo

Hi, I`m Sostenes, Electrical Technician and PLC`S Programmer.
Everyday I`m exploring the world of Electrical to find better solution for Automation. I believe everyday can become a Electrician with the right learning materials.
My goal with BLOG is to help you learn Electrical.
Related Posts Plugin for WordPress, Blogger...

Label

KITAIFA NEWS KIMATAIFA MICHEZO BURUDANI SIASA TECHNICAL ARTICLES f HAPA KAZI TU. LEKULE TV EDITORIALS ARTICLES DC DIGITAL ROBOTICS SEMICONDUCTORS MAKALA GENERATOR GALLERY AC EXPERIMENTS MANUFACTURING-ENGINEERING MAGAZETI REFERENCE IOT FUNDAMENTAL OF ELECTRICITY ELECTRONICS ELECTRICAL ENGINEER MEASUREMENT VIDEO ZANZIBAR YETU TRANSDUCER & SENSOR MITINDO ARDUINO RENEWABLE ENERGY AUTOMOBILE SYNCHRONOUS GENERATOR ELECTRICAL DISTRIBUTION CABLES DIGITAL ELECTRONICS AUTOMOTIVE PROTECTION SOLAR TEARDOWN DIODE AND CIRCUITS BASIC ELECTRICAL ELECTRONICS MOTOR SWITCHES CIRCUIT BREAKERS MICROCONTROLLER CIRCUITS THEORY PANEL BUILDING ELECTRONICS DEVICES MIRACLES SWITCHGEAR ANALOG MOBILE DEVICES CAMERA TECHNOLOGY GENERATION WEARABLES BATTERIES COMMUNICATION FREE CIRCUITS INDUSTRIAL AUTOMATION SPECIAL MACHINES ELECTRICAL SAFETY ENERGY EFFIDIENCY-BUILDING DRONE NUCLEAR ENERGY CONTROL SYSTEM FILTER`S SMATRPHONE BIOGAS POWER TANZIA BELT CONVEYOR MATERIAL HANDLING RELAY ELECTRICAL INSTRUMENTS PLC`S TRANSFORMER AC CIRCUITS CIRCUIT SCHEMATIC SYMBOLS DDISCRETE SEMICONDUCTOR CIRCUITS WIND POWER C.B DEVICES DC CIRCUITS DIODES AND RECTIFIERS FUSE SPECIAL TRANSFORMER THERMAL POWER PLANT cartoon CELL CHEMISTRY EARTHING SYSTEM ELECTRIC LAMP ENERGY SOURCE FUNDAMENTAL OF ELECTRICITY 2 BIPOLAR JUNCTION TRANSISTOR 555 TIMER CIRCUITS AUTOCAD C PROGRAMMING HYDRO POWER LOGIC GATES OPERATIONAL AMPLIFIER`S SOLID-STATE DEVICE THEORRY DEFECE & MILITARY FLUORESCENT LAMP HOME AUTOMATION INDUSTRIAL ROBOTICS ANDROID COMPUTER ELECTRICAL DRIVES GROUNDING SYSTEM BLUETOOTH CALCULUS REFERENCE DC METERING CIRCUITS DC NETWORK ANALYSIS ELECTRICAL SAFETY TIPS ELECTRICIAN SCHOOL ELECTRON TUBES FUNDAMENTAL OF ELECTRICITY 1 INDUCTION MACHINES INSULATIONS ALGEBRA REFERENCE HMI[Human Interface Machines] INDUCTION MOTOR KARNAUGH MAPPING USEUL EQUIATIONS AND CONVERSION FACTOR ANALOG INTEGRATED CIRCUITS BASIC CONCEPTS AND TEST EQUIPMENTS DIGITAL COMMUNICATION DIGITAL-ANALOG CONVERSION ELECTRICAL SOFTWARE GAS TURBINE ILLUMINATION OHM`S LAW POWER ELECTRONICS THYRISTOR USB AUDIO BOOLEAN ALGEBRA DIGITAL INTEGRATED CIRCUITS FUNDAMENTAL OF ELECTRICITY 3 PHYSICS OF CONDUCTORS AND INSULATORS SPECIAL MOTOR STEAM POWER PLANTS TESTING TRANSMISION LINE C-BISCUIT CAPACITORS COMBINATION LOGIC FUNCTION COMPLEX NUMBERS ELECTRICAL LAWS HMI[HUMANI INTERFACE MACHINES INVERTER LADDER DIAGRAM MULTIVIBRATORS RC AND L/R TIME CONSTANTS SCADA SERIES AND PARALLEL CIRCUITS USING THE SPICE CIRCUIT SIMULATION PROGRAM AMPLIFIERS AND ACTIVE DEVICES BASIC CONCEPTS OF ELECTRICITY CONDUCTOR AND INSULATORS TABLES CONDUITS FITTING AND SUPPORTS CONTROL MOTION ELECTRICAL INSTRUMENTATION SIGNALS ELECTRICAL TOOLS INDUCTORS LiDAR MAGNETISM AND ELECTROMAGNETISM PLYPHASE AC CIRCUITS RECLOSER SAFE LIVING WITH GAS AND LPG SAFETY CLOTHING STEPPER MOTOR SYNCHRONOUS MOTOR AC METRING CIRCUITS APPS & SOFTWARE BASIC AC THEORY BECOME AN ELECTRICIAN BINARY ARITHMETIC BUSHING DIGITAL STORAGE MEMROY ELECTRICIAN JOBS HEAT ENGINES HOME THEATER INPECTIONS LIGHT SABER MOSFET NUMERATION SYSTEM POWER FACTORS REACTANCE AND IMPEDANCE INDUCTIVE RESONANCE SCIENTIFIC NOTATION AND METRIC PREFIXES SULFURIC ACID TROUBLESHOOTING TROUBLESHOOTING-THEORY & PRACTICE 12C BUS APPLE BATTERIES AND POWER SYSTEMS ELECTROMECHANICAL RELAYS ENERGY EFFICIENCY-LIGHT INDUSTRIAL SAFETY EQUIPMENTS MEGGER MXED-FREQUENCY AC SIGNALS PRINCIPLE OF DIGITAL COMPUTING QUESTIONS REACTANCE AND IMPEDANCE-CAPATIVE RECTIFIER AND CONVERTERS SEQUENTIAL CIRCUITS SERRIES-PARALLEL COMBINATION CIRCUITS SHIFT REGISTERS BUILDING SERVICES COMPRESSOR CRANES DC MOTOR DRIVES DIVIDER CIRCUIT AND KIRCHHOFF`S LAW ELECTRICAL DISTRIBUTION EQUIPMENTS 1 ELECTRICAL DISTRIBUTION EQUIPMENTS B ELECTRICAL TOOL KIT ELECTRICIAN JOB DESCRIPTION LAPTOP THERMOCOUPLE TRIGONOMENTRY REFERENCE UART WIRELESS BIOMASS CONTACTOR ELECTRIC ILLUMINATION ELECTRICAL SAFETY TRAINING FILTER DESIGN HARDWARE INDUSTRIAL DRIVES JUNCTION FIELD-EFFECT TRANSISTORS NASA NUCLEAR POWER SCIENCE VALVE WWE oscilloscope 3D TECHNOLOGIES COLOR CODES ELECTRIC TRACTION FEATURED FLEXIBLE ELECTRONICS FLUKE GEARMOTORS INTRODUCTION LASSER MATERIAL PID PUMP SEAL ELECTRICIAN CAREER ELECTRICITY SUPPLY AND DISTRIBUTION MUSIC NEUTRAL PERIODIC TABLES OF THE ELEMENTS POLYPHASE AC CIRCUITS PROJECTS REATORS SATELLITE STAR DELTA VIBRATION WATERPROOF