Mwalimu Mussa Ramadhan Sima, atangazwa kuvaa viatu vya MO jimbo la Singida mjini

Msimamizi wa uchaguzi jimbo la Singida mjini, Joseph Mchina (kulia) akimkabidhi Mwalimu Mussa Ramadhan Sima, cheti cha ushindi wa ubunge jimbo la Singida mjini leo.

Na Nathaniel Limu, Singida

Mgombea wa nafasi ya urais kupitia CCM, Dk.John Pombe Magufuli, amezoa kura 36,035 katika jimbo la Singida mjini sawa na asilimia 64.09 za kura zote 56,558 zilizopigwa.

Wagombea wengine wa nafasi ya urais na kura zao kwenye mabano kuwa ni mgombea wa Ukawa Lowassa Edward Ngoyai (19,007), mgombea wa ACT Wazalendo Anna Mghwira (235),Mgombea wa ADC Chief Lutalosa Yemba (87), mgombea wa CHAUMMA Hashimu Rungwe (64), mgombea wa NRA Kasambala Janken Maliki (10) na mgombea wa TLP, Lyimo, Macmilian Eliofoo (12).

Akitangaza matokeo hayo leo msimamizi wa uchaguzi jimbo la Singida mjini Joseph Mchina,alisema kuwa nafasi ya umbuge umechukuliwa na mwalimu Mussa Ramadhan Sima,ambaye amejizoelea kura 36,690 sawa na asilimia 67 ya kura 56,272 zilizopigwa.

Alitaja wagombea wengine na kura zo kwenye mabano kuwa ni mgombea wa CHADEMA (16,702),Mwamvua Haji wa CUF (782) na Jeremia Wandili Act Wazalendo (763).

“Kwa ujumla zoezi la uchaguzi limeenda vizuri kama tulivyotarajia na nawashukuru sana wapiga kura wa jimbo letu la Singida mjini kujitokeza kwa wingi kushiriki haki yao ya kuchagua viongozi wanaowapenda”,alisema Mchina.

Mbunge Mteule Musa Sima akiwa hati maalumu ya utambulisho ya kuwa Mbunge wa Singida Mjini.

Aliyekuwa Mgombea Ubunge kwa tiketi ya ACT Wazalendo Jeremia Wandiri (katikati) akimpongeza Musa Sima.

Baadhi ya wana CCM jimbo la Singida mjini wakisherehekea ushindi wa mwalimu Mussa Ramadhan Sima baada ya kuwagaragaza wapinzani wanne akiwemo Mgana Msindai wa CHADEMA.

Mbunge wa zamani wa viti maalum mkoa wa Singida, Martha Mlata (wa pili kulia) akijumuika kumpongeza mwalimu Mussa Ramadhan Sima baada ya kuwagaragaza wapinzani wanne.

Mbunge mteule wa jimbo la Singida mjini, mwalimu Mussa Ramadhan Sima,akiwapungia wana CCM na wananchi wa mji wa Singida muda mfupi baada ya kutangazwa mshindi.

Moja ya magari yaliyokuwemo kwenye msafara wa mbunge mteule wa CCM jimbo la Singida mjini Mwalimu Mussa Ramadhan Sima baada ya kutangazwa kunyakua nafasi hiyo.(Picha na Nathaniel Limu).