Washukiwa wa ugaidi wakamatwa Ulaya

Polisi katika nchi kadhaa barani Ulaya wamewakamata washukiwa kadhaa wenye iktikadi kali za kidini katika misako iliyofanywa usiku kucha.

Ripoti kutoka nchini Ufaransa zinasema kuwa washukiwa wanane wametiwa mbaroni, kuhusiana na mashambulio ya wiki iliyopita ambako watu kumi na saba waliuawa.

Afisa mmoja wa serikali ya nchi hiyo amesema kuwa washukiwa hao wanaendelea kuhojiwa kuhusiana na madai ya kuwasaidia washambuliaji kwa kuwabebea silaha au kuwapa usafiri .

Nchini Ujerumani, polisi wamewakamata washukiwa kadhaa wa ugaidi baada ya kufanya opereshenu kali mjini Berlin.

Mmoja wa waliokamatwa anashukiwa kuwa kiongozi wa kundi koja la kiislamu lenye itikadi kali ambalo lilikuwa likijiandaa kufanya mashambulio nchini Syria. Anadaiwa kuandaa mikutano ya kuchangisha pesa ili kuwasaidia wapiganaji wa Islamic State

Duru zinasema kwamba misako yote ilifanyika katika mtaa mmoja wa Kusini mwa Paris ambako mmoja wa washambuliaji alikulia.

Nchini Ujerumani, polisi wamewakamata washukiwa wa kundi la kigaidi baada ya kufanya misako mingine ndani na katika maeneo yanayozingira mji wa Berlin.

Hata hivyo polisi walisema hawakupata ushahidi kwamba walikuwa wanajiandaa kufanya mashambulizi nchini Ujerumani.