WATU WATATU WAKIWA NA GARI LAO WAKAMATWA NA MAITI YENYE DAWA ZA KULEVYA.

Jeshi la Polisi mkoani Morogor limefanikiwa kukamata gari dogo aina ya Toyota Spacio likiwa limebeba mwili wa mtu aliyefariki ambae alitambuliwa kwa jina ka Khalid Kitala(47) na kukutwa na kete kadhaa za madawa ya kulevya tumboni. Kamanda wa Polisi mkoani Morogor Faustine Shilogile amethibitisha kutokea kwa tukio hilo na kusema kuwa walipata taarifa za kuwepo kwa gari hilo toka kwa wasamaria wema ambao waliliona njiani,ambapo linasemekana lilikuwa linatokea mkoani Mbeya kwenda Dar. Polisi wa mkoani Morogoro waliweka mtego wao kwenye kituo cha Mikumi na hatimaye kukamata gari hilo likiwa na watu watatu ndani (majina yao yamehifadhiwa)pipi saba za vitu amabavyo vinasadikiwa kuwa ni madawa ya kulevya na mwili wa marehemu. Mili huo ulipelekwa hospitalini na kufanyiwa uchunguzi na kukutwa na pipi nyingine kumi na saba tumboni mwa marehemu huyo na inasemekana mtu huyo alifariki akiwa mkoani Mbeya. watu wote watatu ambapo wawili wanahusika na gari hilo na mmojani mfanyabiashara wa Kariakoo wanashikiliwa na polisi huko Morogoro.